“Bura sənə Azərbaycan deyil!”

İndi də hollandlar bir-birinə deyir ki, “Bura sənə Azərbaycan deyil”. İnanmırsınız? Bu gün bu ifadə Nederlandın ən tirajlı qəzetlərinin əsas xəbər başlıqlarından biridir.

Belə ki, hazırda Nederlandda milliyyətçi PVV (Partij voor vrijheid) – Azadlıq üçün partiyanın sədri Gert Vildersə qarşı məhkəmə prosesi var. Məhkəmə prosesinə Nederlandın Ədliyyə və Təhlükəsizlik naziri təsir etmək istəyib. Rotterdam Erasmus Universitetinin dövlət hüququ üzrə baş müəllimi Rul de Lange isə buna etiraz edərək deyib: “Belə şeyləri Azərbaycanda etmək olar, bizdə isə yox”.