Yalçın Qəhrəmanoğlu vurğulayır ki, “Azərbaycanın rəsmi mənbələrində Ukraynada 500 min azərbaycanlı yaşadığı qeyd olunur. Eynilə Ermənistanın rəsmi mənbələrində Ukraynada 100 min erməni olduğu bildirilir. 100 min erməninin Ukraynada iki naziri (daxili işlər naziri və infrasturuktur naziri ) iki qubernatoru, deputatı var”.
Bu sözləri ukraynahaber’e Ukraynadakı Azərbaycan diasporunun fəalı Yalçın Qəhrəmanoğlu deyib.
Qəhrəmanoğlu bildirib ki, “Artıq ən kiçik diaspora qruplarını – gürcü və dağıstanlıları da deputatlar təmsil edir. Bizdə – azərbaycanlıların isə dövlət sistemində kadrı yoxdu. Baxmayaraq ki, elə Kiyevin özündə kifayət qədər pulu olan azərbaycanlılar var. Azərbaycan şirkətləri milyonlarla yatırım qoyunlar. Lakin onlar bir şeyi başa düşmək istəmirlər ki, qərarı dövlət verir. Bəli, Ukraynada bizi sevindirən tək olay qanı-canı bir krımlı qardaşlarımızın parlamentdə təmsil olunmalarıdır. Biz onlarla bir olub güclənməliyik. Tənbəlliyi kənara atmalı, küsülüləri barışdırmalı, bir-birimizə sayğı göstərməli, Ukrayna dövlətinə inteqrasiya etməli və el arasında deyildiyi kimi, papağımızı önümüzə qoyub fikirləşib iş görməliyik. Başqa yol yoxdur.”
